Eruði búnar að prófa EyeSlices augnayndin? Seinustu daga hef ég verið að prófa þessar tvær týpur af EyeSlices. Eða reyndar er kærastinn minn (nú ætla ég rétt að vona að enginn vinur hans lesi bloggið mitt) að prófa fjólubláu augnayndin og ég er að prófa þessar í silfurlitaða og hvíta pakkanum. Eins og þið vitið elska ég svona dekurvörur- sem gefa mér extra 5 mínútur af dekri á hverju kvöldi. Ég verð oft þreytt í augunum eftir daginn þar sem líf tískubloggarans inniheldur oft mikla vinnu fram eftir fyrir framan tölvuna og er ég sjálf staurblind og finn oft fyrir þreytu í kringum augun. Mér finnst ekkert betra en að koma heim eftir langan dag og setja á mig ískaldar EyeSlices og njóta í fimm mínútur. Ætla að segja ykkur frá þeim í stuttu máli og af hverju ég valdi þessar sem að ég valdi mér og af hverju ég valdi fjólubláar handa kærastanum mínum.

Silfur litaðar EyeSlices
Ég valdi mér þessar í hvíta og silfurlitaða pakkanum vegna að þess að þær eru alhliða- ég þjáist ekki að neinu sérstöku en var bara að leita mér að extra dekri. Uppistaðan í augnayndunum er Aloe Ferox sem er planta náskyld Aloe Vera sem við þekkjum öll. En Aloe Ferox er suður afrísk jurt sem þykir öflugari en Aloe Vera vegna þess að hún inniheldur meira magn af aminósýrum. Augnayndin endurnæra húðina í kringum augun og verður augnsvæðið skínandi bjart á eftir. Augnayndin vinna gegn hrukkum, þrota, baugum, ummerkjum þreytu og rauðum augum. Virku innihalds efnin í EyeSlices augnayndunum skýra þennan góða árangur sem maður sér með því að nota EyeSlices í fimm mínútur á dag í 10 daga í röð. Í þessum pakka fylgir svona sæt augngríma og nota ég hana til að fá algjöra slökun í smá tíma. Mér líður virkilega vel í kringum augnsvæðið og hef ekki fundið fyrir neinum þurrki eða óþægindum (sem ég hef fengið af öðrum augnpúðum).

Fjólubláar EyeSlices fyrir fólk sem þjáist af ofnæmi
Kærastinn minn þjáist af ofnæmi og valdi ég því handa honum fjólublá augnayndi. Oft finnur fólk sem þjáist af frjókornaofnæmi fyrir ofnæmisviðbrögðum í kringum augun og vildi ég að kallinum mínum myndi líða aðeins betur á þessu leiðinlega tímabili ársins. Fjólubláu EyeSlices augnpúðarnir eru sérstaklega hannaðir til að hjálpa til við að bæta líðan og útlit augnanna sé um ofnæmi að ræða. Jurtin Marrubium Vulgare sem er lífrænt ræktuð í svissnesku Ölpunum er lykillinn að þessari virkni.

Gott að vita: Hvert par af gelpúðunum má nota hvar og hvenær sem er. Hvert par er nothæft í allt að 10 skipti séu þeir varðveittir í upphaflegum umbúðum í kæli. Þær koma í umbúðum sem líkjast við endurlokanlegu osta umbúðirnar og varðveitast því best ef þú lokar þeim umbúðum vel og beint inní ískáp. Best er að klára 10 daga í röð því með tímanum minnka púðarnir. Mér finnst EyeSlices augnayndin  frábær tækifæris gjöf ef þig vantar góða og litla gjöf handa mömmu, ömmu, tengdó, þreyttri vinkonu eða jafnvel pabba. Kærastinn minn var frekar sáttur með þetta og næst ætla ég að kaupa og gefa mömmu.

Fjólubláu EyeSlices augnayndin má fá í Hagkaupum, Fjarðarkaupum og Lyfjaveri.
Silfurlituðu EyeSlices augnayndin má fá í Lyfju, Fjarðarkaup, Hagkaup, Lyf & Heilsu, Duty Free (flott að taka með sér í fríið) og flest öllum sjálfstætt starfandi apótekum. Sendið mér bara skilaboð ef þið viljið vita hvort að augnayndin séu seld nálægt þér.

Fylgist nú vel með því í lok viku fer af stað skemmtilegur leikur og gefst þér tækifæri á að fá að prófa EyeSlices sem henta þér.