Naglalökkin fékk ég að gjöf // Færslan inniheldur ad linka.

ESSIE WILD NUDES

Mig langaði að sýna ykkur nýjustu naglalökkin úr smiðju Essie sem eru hluti af Wild Nudes línu merkisins. Öll línan féll svo sannarlega í kramið hjá mér en þessir tveir litir eiga hug minn allan. Litirnir bera nöfnin Wild Nude og Bare With Me. Öll línan einkennist af ljósum naglalökkum sem ættu að passa hverjum sem er. Essie lökkin er einstaklega endingargóð og úrvalið hreint út sagt ótrúlegt. Ég finn alltaf einhvern lit sem hentar mér en ég nota yfirleitt ljós bleik- eða ferskjutóna naglalökk. Wild Nude er ótrúlega fallegt ljósfjólublátt naglalakk með smá gráu á meðan Bare with me er hlýrra naglalakk með ferskjublæ. Mér finnst lang fallegast að setja tvær umferðir af báðum lökkunum en maður kemst samt upp með að lakka bara eina. Ég nota síðan háglans yfirlakkið úr Couture línunni eða Gel Setter lakkinu (hér).

Essie Wild Nude fæst hér – Essie Bare With me fæst hér

 

 

Save

Processed with VSCO with f2 preset

Færslan er unnin í samstarfi við Essie og lökkin fékk ég að gjöf.

ESSIE FALL 2016

Stundum fellur eitthvað í kramið hjá manni og annað ekki. Þessa stundina á haustlína Essie hug min allan en litirnir eru hver öðrum fegurri. Það var bara fyrst í vor sem fyrsta “línan” frá Essie kom í heild sinni til landsins og fagna ég því mjög. Litirnir eru innblásnir af Tokyo í Japan og bera þeir ansi skemmtileg nöfn. Sá flottasti að mínu mati ber nafnið Go Go Geisha en sá litur er antík bleikur og passar hann vel við hvaða dress sem er. Það er góð blanda af bæði pastel og dýpri tónum í línunni en ég valdi mér aðalega bjartari litina í línunni en hver ætti að finna einhvern við sitt hæfi. Haustlínan er komin í verslanir og langaði mig að segja ykkur frá henni. Ég nota yfirleitt undirlakkið sem ber nafnið Grow Stronger sem er einnig frá Essie. Ég finn mikinn mun á nöglunum mínum eftir að hafa byrjað að nota það og eru þær mun sterkari og brotna síður. Yfir litinn nota ég síðan Gel Setter yfirlakkið sem er eitt besta yfirlakk sem ég hef prófað. En Essie er örugglega uppáhalds merkið mitt þegar kemur að naglalökkun. Litirnir, umbúðirnar og nöfnin! Þau endast vel á nöglunum mínum og þá sérstaklega nýju Gel Couture lökkin sem ég segi ykkur frá bráðlega.

Færslan er stutt og laggóð í dag en ég minni á snappið mitt: thorunnivars

Litir frá vinstri: Go Go Geisha, Now and Zen, Udon Know Me & Kimono-Over

Save

Save

Processed with VSCO with f2 preset

Færslan er unnin í samstarfi við Essie og fékk ég lakkið að gjöf.

ESSIE: STEAL HIS NAME

Það þarf nú ekki mikið til þess að ég kolfalli fyrir naglalakki en Essie lökkin er í sérstaklega miklu uppáhaldi hjá mér þessa dagana. Ég elska burstann, formúluna, glösin og sérstaklega yfirlakkið sem heitir Gel Setter. Ég ætla að fjárfesta í mínu öðru glasi en það er ekkert annað yfirlakk sem heldur nöglunum jafn flottum jafn lengi og það.  Í dag langaði mig að skarta nýja fallega fölbleika litnum úr brúðarlínu Essie. Liturinn heitir Steal His Name en höfum við ekki allar jafn gaman af nöfnum á naglalökkum. Litnum má líka við Fiji og Romper Room. Hinn fullkomni fölbleiki sem er svo flottur þegar maður er kominn með smá lit. Það er ekkert annað í boði hjá mér í sumar nema vera með bleik eða fjólubláar neglur en annað passar bara ekkert við bleika fluffudressið. Það er svo gaman að breyta til og ég held að ég skipti um lit í hvert skipti sem ég lakka neglurnar. Endilega kíkið á fallegu brúðarlínuna í verslunum en ég er ekki frá því að mig langi til þess að eignast alla litina. Ég fékk að gjöf bæði Steal His Name og Mrs Always Right. Á óskalistanum eru: Between the Seat og Passport to Happiness.

Save

Save

Save

Processed with VSCO with f2 preset

Færslan er unnin í samstarfi við Essie og fékk ég lökkin að gjöf.

ESSIE SPRING 2016 + MATTE ABOUT YOU

Það er eitthvað við litina í vorlínu Essie sem heillar mig svo. Hver litur er svo sérstakur og get ég ekki ákveðið hverjum ég er hrifnust af. Þetta er í fyrsta skipti sem að svona “collection” kemur til Íslands og getum við ekki annað en fagnað því. Essie var líka að hanna svona flott yfrlakk sem gerir hvaða lakk sem er matt sem hetir Matte About You. Yfirlakkið gerir hvaða lakk sem er matt á örfáum sekúndum. Ótrúlega skemmtileg viðbót í naglalakksflóruna hjá Essie. Litirnir eru einstaklega skemmtilegir og eru innblásnir af Palm Beach í Florida. Litirnir öskra svo sannarlega art deco og líður mér eins og ég sé komin til Miami og árið sé 1980. Litirnir ná svo sannarlega að endurspegla vorið og heita líka svo skemmtilegum nöfnum. Liturinn sem er lengst til vinstri og ég ber heitir Pool Side Service, ljósbleiki Lounge Lover, nude liturinn High Class Affair og sá fjjólublái Shades On.

Vorlínan verður komin í verslanir í lok þessarar viku og veit ég að ansi margar eru nú þegar spenntar fyrir litnum High Class Affair sem ég var með á nöglunum um daginn. Pool Side Servive sem er þessi fallegi blá græni er í hvað mestu uppáhaldi hjá mér vegna þess hve sérstakur hann er. Formúlan á lökkunum er einstaklega góð og þarf maður einungis eina umferð af öllum þeirra til að fá fullkomna þekju. Ég mæli með því að nota All In One Base lakkið undir og síðan annað hvort matta yfirlakkið eða ge-setter lakkið yfir. Það er svo gaman að geta auðveldlega breytt til og gert lakkið aðeins öðruvísi en vanalega og valið á milli að hafa háglans eða alveg matta áferð. Ég er ekki frá því að High Class Affair verði flottur með mattri áferð.

Fylgist vel með á Facebook síðu bloggsins hér  í þessari viku en ég ætla
í samstarfi 
við Essie að gefa 5 vinkonum nyja Matta yfirlakkið Matte About You!

Untitled-11

 


Looking for Something?