hestakakaaa

HESTAKAKA

Í dag var ég á leið í afmæli til uppáhalds 7 ára vinkonu minnar. Litla frænka hans Harry er mikil hestastelpa og bað mig um að baka eitt stykki hestaköku fyrir afmælið sitt. Ég var búin að finna fullt af flottum hugmyndum á Pinterest en endaði svo á að gera venjulega rósa köku en valdi þrjá skemmtilega liti til að hafa rósirnar í. Bleiki er dekkri en sá sem ég nota vanalega. Ég nota alltaf litina frá Wilton sem ég kaupi í Allt í Köku. Bleiki heitir Rose, appelsínuguli Orange og sá græni Leaf Green. Mér finnst útkoman rosalega björt, falleg og skemmtileg. Síðan ákvað ég að skreyta með bara svona flottum brúnum hesti sem er líkur hestinum hennar og setti svo sykurblóm sem ég fékk líka í Allt í köku um alla kökuna til að gefa henni aðeins meira líf. Kakan kemur ekkert smá vel út á marmarakökudiskinum mínum sem ég fékk í Kokku. Hann er alltaf flottur þegar kakan á að vera í aðalhlutverki. Hann fæst hér.

Í þetta skiptið gerði ég bara tvo klassíska Betty Crocker botna og smurði
grænu smjörkremi á milli. Smjörkremið mitt fræga má finna hér.

Untitled-11

karenkaka

PÁSKAKAKA

Karen mágkona mín á þrítugsafmæli í dag og ég bara varð að skella í köku. Hún hefur reyndar ekki hugmynd um það en alltaf gaman að koma fólki á óvart með köku. Ég gerði þrjá botna og smurði gult smjörkrem á milli. Gerði svo aðra tvo liti, dökk bleikan og coral litaðan til að sprauta hinar rósirnar. Sá þessa hugmynd á Pinterest og varð bara að leika eftir enda vor og páskaleg. Vonandi er Karen nógu upptekin í dag að hún sjái þetta ekki fyrr en seint í kvöld. Við förum út að borða til að fagna í steik og með því á Hereford og svo beint í partý langt fram á nótt.

Fyrsti í páskafríi fer vel með mig og fórum við Kristín á seinustu æfinguna fyrir páskafrí í morgun. Mamma bauð mér síðan í hádegisverð á Gló og á morgun ætla ég með tengdafjölskyldunni Austur í bústað. Afgangurinn af þessari verður mögulega tekinn með og ég mun líklegast klára hana upp til agna.

Untitled-11

meyjubod

MEYJU BRUNCH

Tökum smá pásu frá hollustunni (enda heilir 8. dagar liðnir af mánuðinum). Satt best að segja kemst ég ekkert í rútínu fyrr en að skólinn byrjar og er ég búin að vera hálf slöpp alla vikuna. Ég átti deit við tvær vinkonur mínar  “Meyjurnar”  (við erum allar Meyjur í stjörnumerki því heiti hópsins) og reif mig því fram úr rúmminu. Planið var að gera okkur glaðan dag og eyða deginum saman í Laugar Spa og skella okkur í smá dekur.  Í skyndi ákváðum við svo að gera bara heilan dag úr þessu vegna þess að enginn var með neitt planað og allir í raun að bíða eftir að rútínan byrji. Þess vegna byrjuðum við eiginlega á öfugum endanum og snæddum saman amerískar pönnukökur, nýkreistan appelsínu safa og að sjálfsögðu súkkulaðitertu. Ykkar einlæg vippaði upp á snarstundu þessari yndislegu brúnköku sem étin var svo upp til agna af vinum hans Harry í Fifa móti kvöldsins. Ég sá einhvern tíman fyrir löngu fallega brúna tertu hjá sjálfri Evu Laufey Kjaran (sem glittir í á myndunum) og varð smá “inspired” að gera mína eigin útgáfu.

Næst skelltum við æfingafélagarnir okkur á góða æfingu enda vel fullar orku eftir kökuna (haha). Sjálf elska ég svona daga og eyddum við vinkonurnar held ég um 5 klukkustundum í slökun, pottum, gufum og að snæða góðan mat. Ég held því fram að það sé nú bara gott fyrir heilsuna að komast aðeins frá amstri dagsins og hlaða batterýin áður en rútínan fer í gang. Að minnsta kosti er ég vel nærð eftir slökun dagsins og með silki mjúka húð og hár eftir krem og maska dagsins.

Endilega fylgist með mér á Instagram og Snapchat undir nafninu thorunnivars!
Untitled-1

jolakaka

Í dag á Harry afmæli og að því gefnu skellti ég að sjálfsögðu í eitt stykki súkkulaðiköku fyrir manninn minn. Mig langaði að hafa hana jólalega og notaði lit frá Wilton sem heitir Christmas Red. Bjóst við svona djúpdökkrauðum jólalegum lit en nei kom ekki þessi skærbleikiappelsínu litur og það skipti engu máli hvað ég setti mikið hann varð bara appelsínugulari. Ekki mikið hægt að gera í því en það verða örugglega allir appelsínugulir í framan í kvöld, haha! Ég gæti ekki verið ánægðari með nýja kökudiskinn minn en loksins eignaðist ég disk á fæti! Það er svo miklu flottara og sérstaklega ef maður er með nokkrar kökur á borði að hafa sumar á flötum og sumar á fæti. Þessi er úr marmara og ekkert smá flottur en ég fann hann eftir að ég tók eftir að Kokka var að opna glæsilega nýja netverslun www.kokka.is og kostaði hann 7.900. Ég setti hann  líka á óskalistann hér í færslunni fyrir neðan og er hann tilvalin jólagjöf handa kökuperranum í þínu lífi.

Kakan er klassísk tveggja botna súkkulaðikaka með smjörkrem á milli
og notaði ég litinn Christmas Red til að fá þennan mjög svo sérstaka lit.
Ég nota alltaf stútinn 2D frá Wilton til að sprauta rósir.

Marmarakökudiskur úr Kokku hér
Untitled-1