brunchmedharrybrunchharry

AFMÆLISBRUNCH Á NAUTHÓL

Í miðjum prófum bauð ég mínum heittelskaða í afmælisbrunch á Nauthól. Fyrir ári síðan fórum við þangað í brunch á 1 árs afmælinu okkar og er þetta orðið hefð hjá okkur yfir hátíðarnar, hvort að það sé afmæli eða eitthvað annað. Ég hef farið í brunch um allan bæ en það er eitthvað við Nauthól og að vera niður við sjó sem heillar mig. Þjónustan er óaðfinnanleg og andrúmsloftið dásamlegt. Ég borða náttúrulega eins og ég get í mig látið og skila disknum tómum. Við sötruðum Mímósur með matnum (appelsínusafi + kampavín) og kaffi eftir matinn. Ég var nú með en þar sem sólin skein framan í mig var ég eins og vampíra á öllum myndum og þess vegna fær afmælisbarnið að njóta sín hér. Brunch diskurinn er með smá jólaþema og voru allir réttirnir óaðfinnanlegir. Súrdeigsbrauðið og pönnukökurnar standa auðvitað upp úr hjá mér þar sem það er mjög auðvelt að gleðja mig með einföldum mat.

Nauthóll var svo rausnarlegur og ætlar að bjóða heppnum lesanda að bjóða með sér einum gest í jólabrunch á Nauthól. Þvörusleikir færir lesanda þá gjöf á morgun svo vertu nú viss um að vera í pottinum hér.
Untitled-1

IMG_2317
brunch

Hveru gott er að byrja daginn eldsnemma í brunch með vinkonunum? Ég er svo södd núna að það er eiginlega ekki alveg eðlilegt og við tekur verkefnavinna í allan dag. Ég bauð þeim upp á pönnukökur en ég notaði  pönnukökumix frá Kötlu, nýbakað brauð og álegg, eina súkkulaði köku með lakkrís kremi sem var síðan ekkert lakkrís bragð af, makrónur, boozt og smá nammi.

Tilefnið var nú nokkuð óhefðbundið. En hundurinn minn átti 6 ára afmæli þann 6. október og fannst mér vel við hæfi að bjóða bestu vinkonum mínum (og hans) í ljúffengan laugardags brunch. Ekkert jafn eðlilegt og að vera boðinn í hundaafmæli en mér fannst nú samt fyndnast að vinkonur mínar kipptu sér ekkert upp við þetta boð enda alltaf til í kökur og mat. Grínið gekk jafnvel aðeins of langt þegar hundurinn fékk bein, nammi og leikföng í afmælisgjöf, haha!

Upphaflega ætlaði ég að hafa bruncihð með smá hrekkjavökusniði en ákvað síðan að halda mig bara við það sem átti til heima sem var ýmislegt ferskjulitað og svört og hvít rör. Móðir mín færði mér um daginn fullt af nýjum fallegum og skemmtilegum kökulitum og langaði mig að prófa að búa til lakkrískrem en það gekk ekki alveg eins ég hafði ætlað mér en samt tókst nú samt að gera köku alveg í stíl við diskinn.

Skraut dúskana fékk ég á Esja Dekor hér – Röndóttu rörin eru frá Snúran hér – Marmarabretti frá Snúran hér

Untitled-1

IMG_4684IMG_4692IMG_4678

Eftir að hafa slefað á koddann í 10 klst skelltum við stelpurnar okkur saman í Brunch á stað sem heitir Artisan House og er bara hérna við hliðin á okkur. Við Birgitta gátum með engu móti ákveðið hvað ættum að panta okkur svo við ákváðum að panta bæði Eggs Benedict (uppáhald) og pönnukökur og deila. Við bara getum ekki hætt að borða. Eftir það skelltum við okkur í the Grove og versluðum lífsnauðsynjar. Keypti mér rosalega fínan samfesting í Topshop, kimono og topp í Zara. Endir á góðum degi með kampavín að fagna 1 árs afmæli North West í Game of Thrones Partýi hér á neðri hæðinni hjá Aileen vinkonu minni í flottustu Loft íbúð lífs okkar (alveg eins og í New Girl). Ekta amerískt og allskonar skemmtilegir réttir í boði. En nú ætlum við út á vodka bar hér í næsta nágrenni, því maður verður nú aðeins að lyfta sér upp í borg englanna. Fólk er farið að virkilega hata okkur í gegnum snapchat því við gerum ekkert annað en að deila með fólki öllu því yndislega sem við sjáum og gerum..og borðum!

Save

Save


Looking for Something?