Processed with VSCO with f2 preset

 

Færslan er unnin í samstarfi við Origins og vöruna fékk ég að gjöf.

ORIGINS BODY SOUFFLÉ

Nú styttist í jólin og ég veit að það eru nokkuð margir farnir að huga af jólagjöfum. Ég er mjög hrifin af því að finna eða fá góða gjafakassa. Merkið Origins setur saman skemmtilega pakka sem jafn skemmtilegt er að gefa og að fá að gjöf. Origins færði mér kassa með fjórum kremum sem ilma öll dásamlega.Öll kremin eru þykk, djúsí og fara hratt og vel inn í húðina. Það er hægt að klæða sig í föt eftir örskamma stund en ilmurinn helst á allan liðlangan daginn. Húðin mín er afskaplega þurr á veturna og finnst mér fátt betra en að maka á mig þykku og góðu kremi eftir heita sturtu. Í kassanum leynast fjórar gerðir af líkamskremunum frá Origins sem bera nöfnin: Comfort Mood, Smoothing Soufflé, Ginger Soufflé og Gloomaway.

Processed with VSCO with f2 preset

Comfort Mood er klassískt þykkt krem með vanillu ilm. Smoothing Soufflé er mitt uppáhalds en það vekur mann á morgnanna með ferskri blöndu af ilmkjarnaolíum eins og spearmint, piparmyntu, appelsínu og rósmarín. Ginger Soufflé er fyrir þá sem elska ilm af engifer en lyktin af þessu er áberandi og helst á allan daginn bæði djúp og ómótstæðileg. Síðast en ekki síst inniheldur kassinn Gloomaway (ekki myndað) sem er mjög frísklegur ilmur sem er blanda af greip, sætri appelsínu og myntu.  Eins og þið sjáið eru pakkningarnar í flottri stærð til að prófa og í raun örugglega alveg nóg af kremi fyrir suma. Dugar örugglega allan veturinn ef ekki langt fram á vor. Það er gaman að prófa mismunandi ilmi og sjá hvernig þeir hafa áhrif á mann. Origins vörurnar innihalda allar ilmkjarnaolíur og eru framleiddar án parabena, súlfata og phthalata. Umbúðirnar eru mjög þægilegar svona litlar og það fer ekkert fyrir því að geyma eina dollu í t.d. æfingatöskunni.  Svo tala ég ekki um hvað þær eru sætar svona staflaðar upp á snyrtiborðinu.

Endilega kíkið við og skoðið úrvalið á Origins en nú fást vörurnar bæði í Hagkaup Smáralind og Lyf & Heilsu Kringlunni.
Kassinn er á um það bil 9.400 kr en samtals fær maður 360 ml af kremi.

Save

herbivoresss
Sumar vörurnar í þessari færslu voru fengnar að gjöf en aðrar keyptar af greinarhöfundi.

HERBIVORE BOTANICALS

Mig er lengi búið að langa að skrifa greinargóða færslu um yndislegu vörurnar frá Herbivore Botanicals. Herbivore Botanicals er bandarískt merki sem framleiðir náttúrulegar snyrtivörur. Vörurnar koma að mínu mati í hrikalega flottum minimalískum glerumbúðum sem mér finnst mjög flott að stilla upp. Það skiptir að sjálfsögðu máli þegar maður kaupir sér baðvörur. Þær eiga að sjálfsögðu að gleðja augað á baðkarsbrúninni. Vörurnar fást hér á Íslandi hjá versluninni Nola.is og mæli ég með að þú nælir þér í að minnsta kosti eina til að prófa. Vörurnar eru ekki prófaðar á dýrum, notuð eru 100% náttúruleg innihaldsefni, notaðar eru kald-pressaðar olíur og er vörunum pakkað inn í endurvinnanlegar umbúðir. Vörurnar eru framleiddar án allra aukaefna, parabena, mineral olíu, petroleum og sodium laurel sulfate.

herbivoreee

Ég hef prófað fjórar vöru frá merkinu. Tvær vörur eru vörur sem ég set út í heitt baðkarið Detox og Coconut. Coco Rose er yndislegur kókosolíusykur skrúbbur sem ég nota á allan líkamann sem ilmar dásamlega. Rose Hibiscus andlits spreyið er vara sem ég hef minnst á áður og langar mig helst til þess að drekka það. Ég týndi flöskunni nýverið en það voru miklir fagnaðarfundir þegar ég fann hana. Ég hef notað báðar baðvörurnar mikið en orð fá því ekki lýst hvað ég elska Detox baðsaltið sem inniheldur gæða sölt úr Dauðahafinu. Ég nota um það bil eina lúku í sjóðandi heitt karið og leyfi að leysast upp. Æðislegi og hreinsandi eucalyptus ilmurinn fyllir baðherbergið. Kókosmjólkur baðið nota ég þegar húðin er þurr og þegar henni vantar extra raka.  Þá set ég um það bil þrjár matskeiðar út í karið og nýt þess að liggja þar. Lyktin er alveg dásamleg og líður manni einna helst eins og maður sé staddur á eyðieyju. Nýjasta varan í hópnum er Coco Rose er skrúbbur sem inniheldur sykur, kókosolíu og marakóska rós. Húðin verður silkimjúk og full af raka. Ég dýrka að spreyja framan í mig Rose Hibiscus spreyinu og finnst mér þessi vara svo ótrúlega girnileg. Inniheldur kókosvatn og hibiscus.

Coco Rose Body Polish hér / Coconut Milk Bath Soak hér / Detox Dead Sea Bath
Salts hér (á útsölu núna) / Rose Hibscus Face Mist hér (á útsölu núna)

Untitled-11

inshowertan
Vöruna fékk ég sem sýnishorn.

ST. TROPEZ IN SHOWER GRADUAL TAN

Þegar þessi vara kom á markað fyrr í vor var ég strax mjög spennt fyrir henni og hlakka mikið til að hún kæmi til landsins. Á sama tíma var ég samt mjög efins um virkni þessarar blessaðrar vöru en eftir að hafa prófað hana í 3 daga í röð hefur mér snúist hugur. Þetta er snilldar vara sem allir ættu að prófa sem þola ekki hvernig brúnkukrem og froður geta smitast í föt, lyktina eða annað óþolandi sem tengist sjálfbrúnku. Með þessari vöru eru öll vandamál úr sögunni og eina sem þessi vara þarf eru fimm mínútur af þínum tíma. Þetta er gradual sjálfbrúnkukrem sem maður notar í sturtunni. Ég prófaði kremið og fór alveg eftir leiðbeiningunum á umbúðunum. Seinna um kvöldið ákvað ég þó að leita mér upplýsinga á netinu og komst að því að það eru til betri aðferð til þess að fá kremið til að virka hraðar og betur. Þegar maður notar svona gradual brúnkukrem tekur alltaf dágóðan tíma að sjá litarmun og er ég sjálf mjög óþolinmóð. Þess vegna var ég mjög glöð að finna strax leið til þess að flýta fyrir litnum.

Skref 1: Fara í sturtu alveg eins og venjulega

Farðu í sturtu alveg eins og venjulega og hafðu brúnkukremið með þér.
Ég klára að þvo á mér hárið, skrúbba mig og allt sem ég þarf að gera áður
en ég stíg undan buninni.

2. Fara út úr sturtunni til þess að bera á þig brúnkukremið

Ég las mig til og fann að það er í raun lang best að fara alveg út úr sturtunni
og þerra aðeins húðina. Ekki hafa alveg þurra en aðeins að þerra hana
áður en maður ber ágætt magn af vörunni á allan líkamann.

3. Bíða í fimm mínútur (ekki þrjár)

Síðan er leiðinlegi parturinn en alveg þess virði. Á umbúðunum stendur
að eigi að bíða í þrjár mínútur en ég ákvað að prófa að bíða í 5-6 mínútur
eftir að hafa lesið um virkni vörunnar. Ég setti einn þátt í iPadinn sem ég
hafði á borði inn á baði og horfði á eitt myndband á YouTube á meðan ég
beið og stillti timerinn á símanum.

4. Skola af og þerra með handklæði

Fara undir sturtuna og skola kremið af. Vatnið verður eins og mjólk.
Þetta á að vera það allra síðasta sem þú gerir og síðan þurrka ég
mig mjög varlega með handklæði. Síðan er bara hægt að klæða sig í
fötin og halda áfram með daginn. Það er lítil sem engin lykt af húðinni
og eina sem ég finn er góða St. Tropez möndlulyktin.

Eftir að hafa prófað tvo kvöld í röð að bíða lengur og fara alveg út úr sturtunni og þerra líkamann aðeins sá ég mun meiri mun á litnum og var liturinn á húðinni ótrúlega flottur. Ekki kannski eins og ég hafi borið á mig venjulegt brúnkukrem en svona litur sem ég gæti hugsað að hafa alltaf á húðinni. Mæli eindregið með að þið skoðið þessa skemmtilegu vöru og endilega fylgið leiðbeiningunum mínum til þess að fá enn betri niðurstöðu.

Untitled-11

bluelagoonsiliciabodyscrub
Líkamsskrúbbinn fékk ég að gjöf.

BLUE LAGOON SILICA BODY SCRUB

Þegar ég fékk þennan líkamsskrúbb í hendurnar frá Bláa Lóninu fann ég um leið að hann myndi slá í gegn hjá mér. Bæði pakkningnarnar og formúlan sjálf kölluðu á fagnaðarlæti hjá undirritaðri. Núna er þessi æðislegi líkamsskrúbbur búinn að búa í sturtunni minni í nokkrar vikur og eins og glöggir lesendur taka eftir er þó nokkuð búið af honum. Ég vildi nefnilega prófa hann vel og vandlega áður en ég myndi segja ykkur frá þessari gersemi. Líkamsskrúburinn eða Silica Body Scrub er glæný vara frá Bláa Lóninu og er ég ekki frá því að þetta sé stjörnuvara fyrirtækisins frá og með komu hans á markaðinn. Þetta er held ég akkurat sú vara sem bæði erlendir ferðamenn og íslendingar ættu að næla sér í eftir dvöl sína í löninu sem sýnishorn heim. Þegar ég var að taka myndirnar af honum byrjaði ég að sjálfsögðu að mynda hann með lokið á en var fljót að taka það af vegna þess að mig langar bara að reka puttana í gegnum tölvuskjáinn og sækja mér góða lúku af skrúbbinum svo girnilegur er hann.

Skrúbburinn inniheldur örfínar kísilagnir sem jafna, örva og eykur ljóma húðarinnar. Ég hef verið að nota minn til þess að skrúbba yfirborð húðarinnar frá toppi til táar og finnst hann virka ótrúlega vel. Ég nota hann í sturtunni og ber síðan gott rakakrem á allan líkamann eftir á og húðin gjörsamlega ljómar. Skrúbburinn er fullkominn til að nota 1x til 2x í viku á ekta dekur dögum þegar maður þarf eitthvað smá extra. Fyrir ferðalag eins og ég er á leið í er ég búin að hugsa mjög vel um kroppinn og hef notað hann nokkra daga í röð og hefur húðin sjaldan verið jafn fín.

Endilega kíkið í verslun Bláa Lónsins á Laugavegi og nælið ykkur
í þennan veglega og æðislega líkamsskrúbb.
Untitled-11