Færslan er unnin í samstarfi við The Body Shop.

HOLY GRAIL: ETHIOPIAN HONEY DEEP NOURISHING MASK

Man það eins og það hafi verið í gær þegar ég prófaði hunangsmaskann frá The Body Shop fyrst en þetta var eiginlega ást við fyrstu sýn. Síðan þá hefur hann verið minn “go to” raka- og næringarmaski þegar húðin þarf eitthvað aðeins extra. Sem er örugglega um það bil vikulega. Ég hef rosalega oft talað um þennan maska en hann hefur aldrei fengið færslu tileinkaða sér. Ég leita rosalega mikið í þennan maska en ég leyfi honum að liggja á húðinni í dágóða stund. Eftir á er húðin stútfull af raka, næringu og er silkimjúk og ljómandi. Maskinn er einskonar kælandi gelformúla og finnst mér fátt betra en að bera hann á og finna hvernig hann hefur kælandi og bólgueyðandi áhrif á húðina. Maskinn inniheldur eitt af mínum uppáhalds innihaldsefnum sem er marula olía en ég nota marula olíu mjög mikið í minni daglegu húðumhirðu. Marula olía hefur einstakan lækningarmátt en hún viðheldur raka í húðinni en hún er einstaklega rík af omega fitusýrum sem að gefa húðinni aukinn teygjanleika. Marula olía kemur í veg fyrir umfram vökvatap og þess vegna verður húðin ótrúlega fyllt og falleg eftir notkun. Eins og nafnið gefur til kynna inniheldur maskinn einnig hunang en það bráðnar við viðkomu og hentar þeim sérstaklega sem eru með viðkvæma og þurra húð. Það besta við maskann er að hann er án allra óæskilegra aukaefna sem við ættum að forðast í snyrtivörum eins og parabena, paraffíns, sílikons og mineral olíu.

Maskinn fæst í öllum verslunum The Body Shop

PREGNANCY SKIN, HAIR & BODY FAVORITES

Ég er mikið spurð að því hvaða vörur mér hefur fundist best að nota á meðgöngu en reglurnar með hvað má og hvað má ekki á meðgöngu eru óteljandi. Ég vildi samt sem áður tileinka mér góða rútínu sem lætur mér líða vel bæði í líkama og sál. Þessi færsla átti svo sannarlega að vera stutt og laggóð en þegar ég byrja að tala um húð, hár og líkamsvörur er ég óstöðvandi. Ég er búin að hugsa ótrúlega vel um húð, hár og líkama á meðgöngu og langaði að deila með ykkur þeim vörum sem hafa verið í hvað mestri notkun. En ég ákvað að skipta um sjampó núna í sumar þar sem ég var búin að nota það sama svolítið lengi og var kominn tími til að prófa eitthvað annað. Hitt var ennþá frábært en stundum fær maður leið á því að nota það sama aftur og aftur. Því leitaði ég til aðstoðar hjá sérfræðingunum í Davines og fékk heim með mér tvær vörur úr Natural Tech línunni. Bæði sjampó og sérstakt serum til þess að bera í hársvörðinn. Á meðgöngu hefur hárið mitt verið mis gott en alltaf vex það eins og arfi. Á tímabili fór ég ekkert úr hárum og svo lenti ég í algjörri andstæðu og fór ég mikið úr hárum á timabili. Þá ákvað ég að skipta í nýtt sjampó og ákvað að fara á bara smá ,,kúr” og hef ég bara notað þetta sjampó í ákveðinn tíma. Núna er ég búin með meiri hlutann af flöskunni og með mjög góðum árangri. Sjampóið er orkugefandi, örvar hárvöxt og minnkar hárlos. Þó að hárið mitt sé mjög sterkt og þykkt þá þarf ég stundum að hugsa extra vel um það. Niðurstaðan er sterkara, þéttara og finn ég fyrir mun minna hárlosi en áður. Ég nota serumið samhliða sjampóinu sirka 1-2x í viku og ber það í hársvörðinn. Vörurnar eru ekki bara náttúrulegar, parabena og súlfat fríar heldur ilma þær einnig dásamlega. Samhliða því hef ég djúpnært hárið einu sinni í viku og til þess hef ég notað djúpnæringarnar frá Davines úr the Circle Chronicles línunni. Næringarnar eru fimm talsins í línunni og er the Wake Up Circle mín uppáhalds. Koma í litlum þægilegum umbúðum og getur maður notað hvern pakka sirka 3x. The Wake Up Circle næringin djúp nærir bæði hár og hársvörð og ilmar hún dásamlega.

Eins og ég talaði um í færslu um daginn hef ég mikið þurrburstað kroppinn á meðgöngu og nota ég kaktus burstann úr The Body Shop til þess. Mér finnst dásamlegt að þurrbursta fótleggina eftir langan dag og koma blóðflæðinu af stað. Þurrburstun er eitthvað sem mér finnst ég verða háð á tímabili en tilfinningin eftir á er bara svo góð. Yndislegt að bera á sig síðan olíu eða gott krem og finna rakann fara djúpt inn í húðina. Ég er á annarri flöskunni minni af möndlu olíunni frá LOccitane en ég ber hana aðallega á kúluna og einnig allan kroppinn eftir góða þurrburstun. Fyrir nóttina finnst mér síðan yndislegt að spreyja dágóðu magni af lavender yfir rúmið. Ég hef lengi lengi notað þetta sprey en núna á meðgöngu hef ég ekkert sparað það og leyft mér að spreyja því vel yfir allt rúmið. Spreyjið hefur róandi áhrif á líkama og sál.

Húðumhirðan hefur ekki setið á hakanum og hef ég hugsað extra vel um hana. Ég hef notað tvö serum, eitt á kvöldin og hitt á morgnanna. Á kvöldin nota ég hið margrómaða Advanced Night Repair Serum frá Estée Lauder og á morgnanna nota ég C-Firma serumið frá Drunk Elephant. Það nota ég undir rakakremið Lala Retro frá sama merki og finnst sú tvenna ómótstæðileg. Finnst ég varla geta farið út í daginn nema ég beri það á. Advanced Night Repair droparnir draga úr einkennum  ótímabærrar öldrunar og inniheldur einnig efni sem að hámarkar upptöku raka húðarinnar. Ég ber dropana á mig fyrir nóttina og sjá þeir um að húðin fái allan þann raka sem hún þarf á meðan ég sef. Yfir þá nota ég síðan yfirleitt Origins Drink Up maskann. Á morgnanna nota ég síðan C-Firma serumið mitt sem ég er orðin ansi hrædd um að klára áður en einhver nálægt mér kemst í Sephora fyrir mig. Drunk Elephant mælir með notkun serumsins á morgnanna undir rakakrem eða sólarvörnina þína. C Firma er stúttfullt af virku C vítamíni sem að jafnar húðtón en margar konur glíma við að húðin dökknar mikið í sól á meðgöngu og eftir verða blettir og annað. Ég sé a frekknurnar mínar dökkna mun hraðar núna en vanalega og því hef ég verið dugleg að nota C Firma til að sporna gegn ótímabærum öldrunar einkennum. Síðan 1-2x í viku finnst mér yndislegt að djúpnæra húðina með hunangsmaskanum frá The Body Shop sem ég tala rosalega mikið um. Þegar húðinni minni vantar extra raka þá leita ég alltaf í hann. Maskinn inniheldur hunang og marula olíu sem veita húðinni samstundis mikinn raka. Ég leyfi honum að liggja á í góðar 10-20 mínútur og eftir á er húðin silkimjúk og ljómandi.

1. Davines Energizing Shampoo (Fæst á völdum hárgreiðslustofum, sjá hér)* 2. Kaktus þurrbursti fæst í verslunum the Body Shop 3. Estée Lauder Advanced Night Repair fæst hér 4. Davines Energizing Serum (Fæst á völdum hárgreiðslustofum, sjá hér)*. 5. The Wake Up Circle djúpnæring (Fæst á völdum hárgreiðslustofum, sjá hér)* 6. Ethopian Honey mask fæst í the Body Shop* 7. Drunk Elephant C-Firma Day Serum fæst í Sephora í USA 8. LOccitane Lavender Pillow Mist fæst í LOccitane í Kringlunni

Færslan er unnin í samstarfi við The Body Shop

THE BODY SHOP: ALMOND MILK & HONEY

Það jafnast ekkert á við góða sturtu- eða baðferð og sérstaklega núna á síðasta hluta meðgöngunnar. Mér hefur lengi þótt ómissandi að þurrbursta húðina eða að skrúbba hana með kaktusburstanum frá The Body Shop en núna á meðgöngu er þetta eitt það allra besta dekur sem ég fæ. Best finnst mér að bleyta burstann smá og skella smá skrúbb í hann og nudda svo í hringlaga hreyfingum í átt að hjartanu. Mér finnst húðin vakna við þurrburstun og hef ég passað mig að þurrbursta mig 1-2x í viku á meðgöngu. Með þurrburstun örvum við taugakerfið með því að örva taugaendana í húðinni, blóðflæði eykst og einnig hjálpar þetta til útlitslegta en þurrburstun losar okkur við dauðar húðfrumur og gerir húðina mýkri og bjartari. Eftir þurrburstun er húðin tilbúin í að drekka í sig raka og næringu úr öðrum vörum sem þú notar alveg eins og þegar við skrúbbum andlitið. Þó ég stelist til að bleyta burstann aðeins og setji smá skrúbb þá kemst ég kannski upp með að gera rútínuna oftar. Með burstanum nota ég yndislega skrúbbinn úr Almond Milk & Honey línunni sem hefur verið í uppáhaldi hjá mér lengi en hann er ótrúlega mildur krem skrúbbur sem að aðstoðar burstann við að losa okkur við dauðar húðfrumur. Húðin verður silkimjúk og glansandi eftir á. Hann inniheldur spænska möndlumjólk og hunang frá Eþíópíu en línan er sérstaklega hönnuð fyrir viðkvæma og þurra húð. Þegar maður er á annað borð í svona dekri finnst mér best að hafa allt í stíl og nota því einnig sturtusápuna á allan kroppinn úr sömu línu þegar ég er búin að bursta hana vel og ef ég væri með baðkar myndi ég líklegast leggjast ofan í Almond Milk & Honey freyðibaðið og njóta. Þar sem ég er einungis með sturtu núna reyni ég að gera sturtuferðirnar örlítið lengri með dekri sem þessu. Þá kemur maður endurnærður út en eftir góða sturtuferð eins og þessa finnst mér yndislegt að bera nýja jógúrt kremið úr línunni á allan líkamann. En þessi gel kennda formúla gerir það að verkum að kremið smýgur hratt og örugglega inn í húðina og getur maður klætt sig í föt um leið. Því fullkomið að taka það með sér í sund eða til að nota eftir æfingu. Létt formúlan veitir 48 stunda raka og er 100% vegan. Ég mæli með því að þið bætið þurrburstun inn í ykkar rútínu en hún er mjög áhrifarík og þið munið sjá mun eftir nokkur skipti. Ég nota burstann á allann líkamann nema andlitið og langt skaftið gerir það að verkum að ég næ að þurrbursta bakið líka.

Kaktus þurrburstinn fæst í The Body Shop – Almond Milk & Honey Sturtusápa, Jógúrtkrem & skrúbbur fæst einnig í The Body Shop

Færslan er unnin í samstarfi við Becca Cosmetics

BECCA COSMETICS FAVORITES

Ég sé það á lesenda tölunum að lesendur eru mjög glaðir þegar ég tel upp uppáhalds vörurnar mínar frá hinum og þessum merkjum. Næst fær eitt af mínum allra uppáhalds förðunarvörumerkjum athyglina en það er merkið Becca sem kom í sölu hér á landi síðastliðið haust. Ég nota svo mikið af vörum frá merkinu dagsdaglega að ég verð að segja ykkur frá þeim vörum sem að mér finnst bera af hvað varðar gæði, endingu og fegurð. Vörurnar eiga það allar sameiginlegt að gefa guðdómlegan ljóma og gefa húðinni fallega áferð. Ég hefði getað gert topp fimmtán lista en ákvað að velja þær fjórar vörur sem ég nota allra mest og sumar hef ég keypt aftur, aftur og aftur.  Becca er ástralskt förðunarvörumerki sem farið hefur hamförum um snyrtivöruheiminn síðast liðin ár og ætla ég nú að telja upp þær vörur sem mér finnst ómissandi. Ég notaði vörurnar í skemmtilega förðun um daginn og hlakka til að sýna ykkur myndirnar úr þeirri töku.

BECCA BACKLIGHT PRIMING FILTER

Það er nú bara smá vandræðalegt að skoða gamlar færslur og sjá hvað ég hef oft mælt með þessum farðagrunni. Það er nú samt alveg ástæða fyrir því en þessi gyllti farðagrunnur gefur húðinni ómóstæðilegan ljóma, fyllir húðina af raka og takmarkar sýnileika fínna lína. Ég nota hann svo mikið að ég get varla talið upp hvað ég er búin að fara í gegnum margar flöskur og svo nota ég heldur ekkert lítið af honum í einu. Finnst hann ómóstæðilegur þegar ég farða mig fyrir eitthvað annað en bara hversdags og finnst hann fallegur undir hvaða farða sem er en ég nota yfirleitt farða sem gefa einnig ljóma. Farðagrunnurinn hennar öllum húðgerðum og lengir tímann sem förðunin helst fín. Fæst hér.

BECCA AQUA LUMINOUS PERFECTING FOUNDATION

Aqua Luminous farðinn frá Becca er mikið notaður bæði einn og sér og einnig nota ég hann mikið til að blanda út í aðra farða þegar ég vil að þeir gefi meiri ljóma. Þetta er nefnilega ljómi í glasi. Ótrúlega áferðarfallegur, léttur farði sem auðvelt er að byggja upp. Ég nota rakan farðasvamp og dúmpa honum á húðina en hann blörrar misfellur en samt fær þín húð að skína á fallegan hátt í gegn. Farðinn hentar öllum húðgerðum en hann gefur miðlungs þekju og fallega ljómandi áferð eins og aðrar vörur frá merkinu. Ég hef hann alltaf við hendina og mæli ég með því að hrissta vel upp í honum áður en hann er notaður. Það þarf örlítið af honum en þægilegar umbúðirnar gera það að verkum að hann endist og endist. Fæst hér.

 

BECCA BE A LIGHT FACE PALETTE

Ég bara verð að segja ykkur frá þessari andlitspallettu frá Becca en ég eignaðist hana nýverið og hefur hún verið í daglegri notkun síðan. Pallettan inniheldur fjóra mismunandi púðurfarða en öll hafa þau sinn sérstakn tilgang. Allir púðurfarðarnir hafa þann eiginleika að slétta yfirborð húðarinnar en þjóna síðan öll einum tilgangi: til að blörra, birta, skyggja og gefa fallegan lit. Örfínar ljómandi púðuragnir gera það að verkum að húðin virkar náttúrulega ljómandi. Í pallettunni er í raun ljós púður farði sem notast á allt andlitið, skyggingarlitur og kinnalitur sem hægt er að leika sér mikið með. Áferð húðarinnar verður ljómandi, frískleg og eiginlega bara guðdómleg. Því miður uppseld í báðum litum.

BECCA SHIMMERING SKIN PERFECTOR

Varan sem merkið er örugglega hvað einna þekktust fyrir. Pressuðu ljómapúðurfarðarnir hafa farið hamförum um snyrtivöru heiminn síðastliðin ár og á ég einn uppáhalds lit sem mig langaði að segja ykkur frá. Ásamt því að segja ykkur að mér finnst engin önnur ljómapúður vera með tærnar þar sem Becca er með hælana. Becca er eins og ég skrifað áðan, meistarar í ljóma og snýst allt merkið um þennan fallega ljóma. Ljómapúðurfarðinn sem ég elska er í litnum Opal og á ég hann bæði í stórum umbúðum og litlum ferða þar sem hann ferðaðist mikið með mér þegar ég var að fljúga. Opal er hið fullkomna gyllta ljómapúður sem ég dusta létt á kinnbein, augnbein, yfir varir og rétt yfir nef. Ljóminn gerist bara ekki fallegri en formúlan er einstaklega fín möluð, mjúk og ljómaagnir aðlaga sig að húðgerð hvers og eins. Fæst hér.