COMPLEXION RESCUE

Síðan á föstudag hef ég vel og vandlega prófað nýja “litaða dagkremið” frá bareMinerals. Eitt af mínum uppáhalds merkjum og var ég ótrúlega spennt að prófa. Ég fékk að gjöf litinn Buttercream (eða smjörkrem og við vitum allar að ég elska það!). Um leið og ég fékk það í hendurnar fór ég heim og þreif af mér farðann og bar það á með fína burstanum sem ég fékk með. BareMinerals er svo skemmtilegt merki að það hannar alltaf bursta sem eru sérstaklega góðir með ákveðnum vörum. Burstinn einn og sér er alveg frábær og er ég líka búinn að prófa að nota hann í aðra farða. Hann minnir mig einna helst á burstana sem rakarar nota!

Um helgina gerði ég ekkert annað en að læra og var það fullkomið tækifæri til að prófa Complexion Rescue mjög vel. Venjulegast nota ég alltaf blautann farða en ekki CC, BB eða lituð dagkrem vegna þess að ég er mun meira fyrir endingargóða þekjandi farða sem fullkomna útlit húðarinnar. Eftir að hafa notað þennan í fjóra fimm daga er ég bara ekkert á sama máli og ég var áður. Þessi er alveg frábær og þekjan falleg en mun náttúrulegri en allir aðrir farðar sem ég á, húðin verður alveg mega dewy! Liturinn sem ég valdi var alveg fullkominn fyrir mig og er auðvelt að byggja þekjuna upp. Þar sem farðinn er mjög rakagefandi og á maður að sjá 215% rakamun á húðinni eftir 10 daga notkun. Ég hef alveg sleppt því að nota farðagrunn/primer undir og hvað þá rakakrem. Þetta er farði sem er með öllu sem ég þarf. Það var kannski bara hollt og gott fyrir mig að leggja aðeins þekjandi farðana á hilluna og ætla ég að reyna að vera eins dugleg og ég get að nota léttari farða sem stuðla að því að bæta húðina mína. Complexion Rescue er án allra sílíkona, olía, parabena og ilmefna.

Hef því miður ekki tíma til þess að sýna ykkur hann á mér akkurat núna þar sem ég er á kafi í prófum en ég lofa að skella í færslu á fimmtudaginn með minni daglegu make-up rútinu og lofa að Complexion Rescue verði þar með!

Complexion Rescue kemur í 6 litum hér á Íslandi og fæst í Hagkaup Smáralind og Lyf & Heilsu Kringlunni

Vöruna fékk ég senda sem sýnishorn.

BAREMINERALS QUICK CHANGE

Það er ótrúlega mikilvægt að þrífa burstana sína og ekki gefst manni alltaf tími eða vegna þess að maður er á ferðalögum. Nú vorum við heima hjá tengdó í þrjár vikur og ég ætlaði ekki að dreifa úr mér inn á baði og þrífa burstana mína eina góða kvöldstund. Læt bara sem minnst fara fyrir mér en þegar burstarnir voru orðnir grút skítugir mundi ég að um daginn hefði ég fengið að gjöf þennan snilldar bursta hreinsi Quick Change frá bareMinerals. Eitt af mínum uppáhalds merkjum leynir að sjálfsögðu á sér og hver vissi að þessi vara fengist hér á landi.

Ég hafði prófað hann áður en hreinlega misskilið hann en það eru mörg mörg ár síðan. Hann er nefnilega snilld!  Hér fyrir neðan fáiði meira að segja að sjá fyrir og eftir mynd en ég ákvað að þrífa tvo uppáhalds burstana mína sem ég nota hvað mest. Quick Change er til dæmis snilld fyrir mig þar sem ég á ekkert ótrúlega marga augnskugga bursta og þessi hér fyrir neðan er í uppáhaldi hjá mér og vil ég helst nota hann í alla litina mína. Til að enda ekki eins og ég sé með glóðurauga nota ég bursta hreinsinn á milli lita til að hreinsa það mesta.

SKREF FYRIR SKREF

Skref 1: Spreyjar 2-3 sinnum á vandaðan eldhúspappír. Þið vitið þennan dýrari
sem er sterkur svo að það fari örugglega ekki neinar pappírsagnir í burstann þinn.
Ég mæli ekki með að prófa þetta á ódýran klósettpappír haha!

Skref 2: Nuddið svo burstanum fram og til baka þangað til að hann er orðinn hreinn.

Skref 3: Næst þurrka ég honum á þurrum pappír alveg eins til að tryggja að hann sé ekki blautur.

Ótrúlega auðvelt og tryggir þér að burstarnir þínir séu alltaf hreinir. Ég nota Quick Change óspart á milli þvotta hjá mér en ég hef lagt það í vana minn að þrífa burstana mína á viku til tíu daga fresti. Quick Change hefur komið sér ótrúlega vel fyrir mig þegar ég hef verið að nota brúna augnskugga á föstudegi og ekki náð að þrífa þá ef ég hef viljað nota ljósa á laugardegi. Formúlan er ótrúlega drjúg og nota ég svo aftan á pappírin til að klára að þrífa þá þar sem hreinsirinn lekur að sjálfsögðu í gegnum pappírinn. Sparar manni hellings tíma og vinnu.

Quick Change frá bareMinerals fæst Hagkaup Smáralind og
Lyf og Heilsu Kringlunni og er leiðbeinandi verð um 4.800 kr

Þessi umfjöllun er kostuð.