BJÚTÍ RÚTÍNA: KVÖLD


Warning: file_get_contents(https://graph.facebook.com/?ids=http://www.thorunnivars.is/beauty-routine-2/): failed to open stream: HTTP request failed! HTTP/1.1 400 Bad Request in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 17

Warning: array_keys() expects parameter 1 to be array, null given in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 19

bjútírútínan

Ákvað að setja saman nokkrar svona myndir fyrir ykkur þar sem ég sýni ykkur hvaða vörur ég nota og hvenær. Mér finnst alltaf sjálfri best að sjá svart á hvítu hvenær og hvernig maður á að nota vörur. Ég er ekki með neina vandamála húð og fæ ég mjög sjaldan bólur (kannski eina á mánuði, hehe þið vitið hvenær). En ég ætla að þakka því góðri húðumhirðu minni síðan ég var 14 ára gömul. Ég ætla ekkert að skafa ofan því heldur að ég eyði alveg í vörur fyrir húðina. Mér finnst ekkert skemmtilegra en að skoða snyrtivörur og spá í notagildinu.

Mig langaði að segja ykkur frá þessum vörum sem ég hef bæði fengið gefins til að prófa og líka sjálf keypt og trúi á og kaupi aftur og aftur. Ég ákvað að byrja á kvöld rútínunni minni þar sem mér finnst hún lang skemmtilegust en mér dauðleiðist að hreinsa húðina á morgnanna og vil heldur sofa. Á nóttunni er mikilvægt að endurnæra og lagfæra húðina eftir daginn. Eftir daginn er húðin þyrst í næringu og raka.

Ég byrja alltaf á því að hreinsa farða með Sensai Silky Cleansing olíunni og nudda vel inní og skola af með heitu vatni. Ég geri þetta mjög oft í sturtunni beint eftir æfingu og nota svo Sensai Milky Soap eftir á og nudda vel inní húðina með bleika skrúbbgæjanum (á mynd) og ofan í svitaholurnar. Þessar tvær vörur eru í rosalega miklu uppáhaldi og fer ég mjög sparlega með þær þótt að ég noti þær mikið og stundum oft á dag.

Einu sinni til tvisvar í viku nota ég síðan Sensai Silky Peeling Mask sem hefur algjörlega komið í stað gamla skrúbbsins sem ég notaði í sturtunni. Þessi er svo miklu fíngerðari og skrúbbar ekki beint. Heldur tekur einhvern vegin bara efsta lagið af eða dauðu húðfrumurnar. Ég fer með þennan eins og gull og nota ekki mjög oft. Geymi hann meira að segja ennþá í fallega kassanum sínum inn í skáp.

Undanfarið hef ég verið með leiðinlegan rósroða í kringum nefið og kom í öngum mínum til stelpnanna í Clarins í von um að finna lausn á vandamálinu. Var búin að lesa mér til um andlitsolíurnar frá þeim og mæltu þær með Clarins Lotus Face Treatment olíunni fyrir mig.  Ég bar á mig olíuna í kringum nefið og andlitið tvö kvöld í röð. Viti menn, roðinn var farinn! Ég var orðin dauðleið á þessu og var farin að þorna verulega þarna í kring. Nú nota ég olíuna á vandræðasvæði einstaka sinnum og voila! lagast um leið. Ef þú ert með stórar svitaholur eins og ég þá er þessi olía líka snilld til að hjálpa til við að loka þeim. Slóg tvær flugur í einu högg með þessum kaupum! (passaðu bara að nota lítið í einu og ekki oft, ég fékk eina sæta bólu eftir að nota tvo daga í röð).

Birgitta vinkona kynnti mig fyrir vörunum frá Josie Maran í einni af Sephora ferðunum okkar (já þær voru margar). Ég slóg til og keypti mér tvær vörur og verð ég að segja að Josie Maran Infinity Cream er komið efst í snyrtibudduna mína. Eftir langa daga í sól var ekkert betra en að koma heim og bera þetta á sig fyrir svefninn eins og eins með allar olíur mæli ég með að nota þær sjaldan. Því maður getur orðið svolítið feitur í húðinni. Við vinkonurnar sváfum því hlið við hlið í matching náttfötum með Josie Maran í andlitinu. Þetta krem virkar á gjörsamlega allt roða, þurrk, varaþurrk og sólbruna og eru ein bestu kaup ferðarinnar og kostaði um $22. Maður vaknar svoleiðis geislandi fínn í húðinni að það er með ólíkindum. Ég hlakka til að nota kremið í frostinu í vetur.

Sisley Black Rose maskann fékk ég að gjöf frá tengdamóður bróður míns fyrir frekar löngu síðan en hefur mér tekist að næla mér í prufur af honum endrum og eins. Hann er rán rán rándýr en einn daginn held ég verði bara að fjárfesta. Besti rakamaski sem ég hef á ævinni prófað. Hann fæst t.d. á Nordstrom.com og á Net-A-Portér. Ég set þennan á húðina og fer beint að sofa og skola hann svo af daginn eftir. Húðin er endurnærð og geislar.

Ole Henriksen Ultimate Eyelift Gelið er ég búin að nota síðan Hildur vinkona mín var nemi hjá þeim þegar við bjuggum í Los Angeles. Kælandi og fullkomið næturkrem sem ertir ekki viðkvæma húð í kringum augu. Ég nota bara pínulítið af því og ber það á með baugfingri. 

Dr. Bragi maskinn er 15 mínútna maski sem inniheldur sjávarensím sem draga út roða, fínum línum, þreytu og þurrki. Mýkir húðina og gerir hana bjartari og fallegri á augabragði.  Ég vakna silkimjúk daginn eftir að ég nota hann og svo endurnærð að það var ekkert eðlilegt.

Annað sem ég nota á kvöldin: Make Up Store Dual Active Remover Augnafarðahreinsi, Sensai Silk Emulsion rakavatn (Moist), Sensai Silk Lotion dagkrem (Moist), Josie Maran Bear Naked Wipes

Leave a Reply

Your email address will not be published. Required fields are marked *


Looking for Something?