AND THEN THERE WERE THREE…

AND THEN THERE WERE THREE…

Síðastliðin ár hef ég talað mikið opinberlega um baráttu mína við króníska verkjasjúkdóminn endómetriósu eða legslímuflakk á góðri íslensku. Þessi ár hafa reynst mér mjög erfið og sérstaklega þegar maður hefur barist við grimmilegan sjúkdóm frammi fyrir augum allra. Það hafa miklu fleiri en ég gæti nokkurn tíman haft tölu á fylgt mér að í þessu ferli. Sjúkdómurinn hefur heltekið líkama minn allt frá árinu 2012 þegar ég fór fyrst að finna fyrir miklum einkennum hans vegna. Ég hef fengið að vera þess aðnjótandi að deila minni reynslu og hjálpað hundruðum kvenna að komast í gegnum sömu þolraun og ég. Það er mér sannur heiður að aðstoða konur í sömu sporum en ég man það eins og það hafi verið í gær þegar ég stóð ein ráðalaus. Þegar litið var niður á mig vegna verkja og fékk að heyra að ég þyrfti bara að herða mig. Það var fyrst þegar ég lá á stofugólfinu heima og gat ekki hreyft legg né lið að ég uppgvötaði að þetta væri ekki eðlileg þjáning. Ég var heppin að lenda inn á borði hjá kvensjúkdómalækni sem að var fimm mínútur að greina einkenni mín og sendi mig áfram til læknis sem hefur verið stoð mín og stytta síðastliðin ár. Nú í dag eftir tvær inngripsmiklar aðgerðir á móðurlífinu, fósturmissum, sjúkrahúsferðum, lyfjum, verkjum, grátköstum og erfiðleikum get ég loksins sagt að við eigum von á fyrsta erfingjananum okkar. Þar sem að ég hef verið í sporum margra kvenna sem hafa átt erfitt með barneignir langar mig þess vegna ekki að segja ykkur góðu fréttirnar með bros á vör heldur streyma tárin niður kinnarnar á meðan ég skrifa þessa færslu.

Ég þekki það nefnilega af eigin raun að hafa séð óléttutilkynningar hrannast inn á samfélagsmiðla og hreinlega brostið í grát. Ekki vegna þess að ég er öfundsjúk eða samgleðjist ekki viðkomandi heldur vegna þess að ég var alltaf leið yfir því að þetta gerðist ekki hjá okkur. Oft hefur mín tilfinning verið sú að minn eigin líkami hafni mér og vilji ekkert gott fyrir mig gera. Í haust fékk ég greiningu um að hægri eggjastokkurinn minn væri veikburða eftir miklar þolraunir og væri þess vegna með lágan eggjaforða. Við það slokknaði á vonarneistanum sem logaði ennþá. Eftir nokkra mánuði kom svo loksins að það blasti við mér jákvætt ólétturpóf og hoppaði ég af kæti. Samt gat ég ekki annað en fengið örlítið samviskubit gagnvart öllum þeim sem hafa gengið í gegnum sömu erfiðleika og ég og gat ég ekki tilkynnt þetta á annan hátt en þennan. Sérstaklega þegar ég hef fyrir framan mig eins máttugan miðil og þennan. Með þessari einlægu færslu langaði mig líka segja ykkur hversu óendanlega hamingjusöm við erum þessa stundina og gætum ekki verið spenntari fyrir þessum nýju hlutverkum sem okkar bíða. Síðustu 13 vikur hafa þó ekki verið dans á rósum en það hafið ef til vill tekið eftir fjarveru minni á samfélagsmiðlum en ég er búin að glíma við dagleg uppköst, mikla ógleði og lágan blóðþrýsting. Allir mínir nánustu hafa umvafið mig ást og umhyggju síðustu vikur en ég hlakka til að loksins geta deilt með ykkur þessu stórkostlega ævintýri sem við stöndum frammi fyrir. Það er von á lítilli meyju 2. september 2018 (sem var minn setti dagur í heiminn árið 1989), en af stjörnumerkinu að dæma verður frumburðurinn afsakaplega líkur móðurinni.

Einnig langar mig að þakka lesendum mínum fyrir stuðninginn í gegnum árin og ég er afskaplega lánsöm að hafa fengið að deila þessu ævintýri með ykkur þrátt
fyrir að það hafi verið erfitt á köflum. Nú er ég komin aftur hér inn eftir einskonar feluleik síðustu mánuði og hlakka til að deila með ykkur minni reynslu.

 

Share:

10 Comments

  1. Inga Rós
    February 23, 2018 / 17:26

    Oh hvað ég er ánægð fyrir þína hönd! Eftir alla þessa erfiðleika er þetta svo sannarlega kraftaverk, til hamingju ❤

  2. Ása Björg
    February 23, 2018 / 17:47

    Innilega til hamingju 😘

  3. Elva
    February 23, 2018 / 18:16

    Innilega til hamingju þvílíkt óskabarn ❤️Gangi þer rosalega vel og njóttu

  4. February 23, 2018 / 18:23

    Mamma (amma) fer bara að skæla þú skrifar svo fallega ljúfan mín, stendur þig eins og hetja. Mikið er ég stolt af því að eiga þig fyrir dóttur <3 <3 <3

  5. June Scholtz
    February 23, 2018 / 19:27

    Til hamingju 😊

  6. Sesselja sveinbj
    February 23, 2018 / 20:39

    T lukku elsku samgleðst þer og gangi þer vel💝😇😘

  7. Hafdis
    February 23, 2018 / 21:10

    Til hamingju!!!

  8. Sonja
    February 23, 2018 / 23:34

    Elsku Þórunn mín. Innilegar hamingjuóskir með draumabarnið. 🙂

  9. Auður Ösp
    February 24, 2018 / 00:23

    Elsku gull ♡
    Innilega til hamingju ♡
    Hlakka til að fylgjast með þessu yndislega ferðalagi ykkar ♡

  10. Steinunn
    February 24, 2018 / 08:32

    Hjartanlega til hamingju

Leave a Reply

Your email address will not be published. Required fields are marked *


Looking for Something?